El concursu, que convoca la revista LA SIDRA ta empobináu a llagareros non profesionales qu’utilicen pa la ellaboración de la so sidra les tradicionales pipes de maera
Llucía Fernández Marqués
Por sestu añu consecutivu, el domingu 16 d’abril los que mayen en casa pueden poner a preba la calidá de la so sidra nesti concursu, enmarcáu nes actividaes de la Primer Sidre l’Añu.
L’envís d’esti premiu ye’l da-y puxu al usu de la maera pa la ellaboración de sidre ya que la xeneralización de los tinos de fibra y d’acieru va dexando pali que pali en desusu’l métodu tradicional.
Otra de les peculiaridaes d’esti concursu de sidre casero ye’l fechu de que ye l’únicu que convoca participantes de tol territoriu nacional, non solo lo que ye l’antigua provincia d’Uviéu, de la que ye socesora la “comunidá autónoma del Principado”, sinón incluyendo los territorios de l’Asturies de Santillana, de Tresmiera, de Laredo, La Llébana ya’l norte de Llión, ello ye, tol territoriu hestóricu asturianu.
This work is licensed under a Creative Commons Attribution 4.0 International License.
