Nel so caberu díe cellebraráse’l VI Concursu de Sidre Casero fecho en Maera y tol domingu los que s’averen a la entrada en bicicleta entrarán de baldre

Miles de presones s’averaron cada díe al Muséu del Pueblu d’Asturies a prebar la sidre de los más de setenta llagares participantes y esfrutar de les munches actividaes organizaes pa la ocasión y tou fai camentar que’l caberu díe sedrá igualmente un ésitu, ya que’l domingu tará especialmente dedicáu a los bicicleteros, esperándose qu’aporten al recintu cientos de presones nesti mediu de tresporte.

Tolos díes se pudo esfrutar de les tasties guiaes, talleres d’artesanía, esportes y xuegos tradicionales, esibiciones, música y baille’l país, ya que l’envís de la Primer Sidre l’Añu sobrepasa lo meramente sidrero p’abarcar tolos aspeutos culturales qu’arrodien el consumu ya elaboración de sidre.

“L’afluencia de xente foi continuo y desbordó toles previsiones” reconocieron los organizaores, pa los que ye perimportante ver como esta amuesa de sidre y cultura asturianos medra d’añu n’añu.

This work is licensed under a Creative Commons Attribution 4.0 International License.