La cantante Roseanna Vitro y el pianista Mark Soskin van impartir un cursu

La Escuela de los Adioses, en Versalles, yá ye un centru d’enseñu de jazz de proyección internacional. Tres les lecciones maxistrales que Bob Stoloff impartió l’añu pasáu, esti branu va cuntar, ente los díes 23 de xunu y 1 de xunetu, colos músicos norteamericanos Mark Soskin, Roseanna Vitro y Paul Wicliffe, trés figures de referencia na escena jazzística neoyorquina.

Vitro va dar les clases de voz, Soskin d’instrumental, y Wicliffe va formatea nel so estudiu de Nueva York les grabaciones de les sesiones musicales que protagonicen los alumnos.

El cursu de los norteamericanos ye posible gracies al trabayu de Los Adioses y al de l’academia d’inglés de Rosa Espina. Tamién cunta con un patrociniu a cargu del Ayuntamientu d’Avilés.

Amás de les lecciones maxistrales los dos norteamericanos y los sos músicos acompañantes van ufiertar un recital de jazz el 1 de xunetu na Casa de Cultura.

This work is licensed under a Creative Commons Attribution 4.0 International License.