Como reacción a la manifestación convocada pa esta tarde por PSOE, PP, Ciudadanos ya UPN en supuesta “defensa de la bandera navarra”, col fin de refugar l’usu de la ikurriña por parte del Parllamento navarru, dellos ayuntamientos anunciaron nos caberos díes la so intención d’izar nesti día namás la bandera foral como amuesa exemplar del so plantegamientu políticu, y de l’ausencia de nengún ataque real a la bandera específica de Navarra.

Pero nun va ser posible yá que la Delegación del Gobiernu d’España en Navarra denunció los alcuerdos municipales ante el Tribunal Superior de Xusticia de Navarra, que de forma “cautelarísima” anuló la decisión prohibiendo que la bandera de Navarra tuviera güei dalgun protagonismu especial ensin la presencia de la bandera española.

Por embargu’l Ayuntamiento de Zizur caltien na so fachada una bandera de 21 metros cuadraos como denuncia del intentu de monopolizar el significáu d’una bandera común por parte de los partíos políticos del Réxime de 1978 al serviciu de los intereses ideolóxicos del nacionalismu español.