Catalunya amuesa’l camín a les naciones del estáu español plantegando esta entruga nel so referéndum del díi 1 d’ochobre
El president de la Generalitat, Carles Puigdemont, fixo l’anunciu de la fecha ya entruga tres el Consell Executiu estraordinariu que tuvo llugar nel Palau de la Generalitat. Nelli, Puigdemont destacó que, “n’exerciciu del lexítimu derechu a l’autodetermín que tien una nación milenaria” como Cataluña, tien cuenta de convocar el referéndum pa’l 1 d’ochobre, con papeletes en catalán, castellán y aranés, y aseguró qu’el Govern “comprometese a aplicar el resultáu qu’apurran les urnes”.
Certifiquen asina un pasu más palantre nel “Procés”, qu’encara la so recta final con esta fecha marcada en collorao nel calendariu de toles naciones ensin estáu d’Europa.
“Agora tóca-yos a los catalanes decidir el so futuru. Ta nes sos manes y nes de toos nos facelo posible”, afirmó Puigdemont, que fexo una llamada “a asumir correutivamente y cola màsima dignidá y desixencia l’exerciciu d’un drechu inalienable sol que se caltién l’edificiu de la democracia”
Tou esto asocede pente les amenaces de Mariano Rajoy, que sigue prometiendo que va torgar la cellebración del referéndum, y la crispadura d’una España a la que-y cuesta desfacese de los sos privilexos colonialistes y aceutar la democracia.
Les reaciones n’Asturies tampoco nun se ficieron esperar “Porque la Soberanía reside nel Pueblu, güei Catalunya, mañana Asturies”, declara Andecha Astur, que ta llevando alantre una campaña nes redes sociales baxo l’hastag #AsturiesdizSí sofitando la convocatoria del referendum vinculante anunciáu pol presidente de la Generalitat, y reclamando’l mesmu drechu p’Asturies.
This work is licensed under a Creative Commons Attribution 4.0 International License.
