Yujin Park, tenor coreanu, avérose a Asturies pa deprender a canciar tonada, dientro del so percorríu per estremaos canciares tradicionales

Dientro’l segundu cursu sobre canción asturiana entamáu pol Atenéu Xovellanos ya impartíu por Xuaquín Pixán cuntaron con un escolín perespecial. Vien dende lloñe, na menos que dende Seul, Corea, más de diez mil kilómetros de distancia y lo que-y interesa nun ye deprender téuniques vocales, sinón en concreto conocer los “estremaos cantos del país”. Asturies ye una de les sos principales paraes nel so percorríu per dellos puntos de la xeografía europea, nel que ta estudiando y conociendo los cancios tradicionales de los llugares.

La tonada asturiana tien daqué semeyanza con determinaes melodíes operístiques, lo que fai especialmente petecible la so conocencia a un tenor profesional como elli, al que mueve a partes iguales les ganes de deprender ya’l fondu amor pola música.

Yujin Park, aportó a les clases con un canciu ya preparáu, “Vengo del rosal” apurríu previamente polos organizaores del cursu pa facilita-y los anicios nel campu la tonada; llamentablemente nun cuntamos col audiu de la so interpretación, ensin dubia interesante.

This work is licensed under a Creative Commons Attribution 4.0 International License.