Protesten pola censura a una charra reivindicativa de la Oficialidá del asturianu

L’asociación tenía solicitada, dientro de la convocatoria abierta a asociaciones culturales, la realización d’una charra pa esplicar el procesu que ta desenvolviendo pa llevar a la Xunta Xeneral del Principáu, en 2018, una propuesta d’oficialidá del asturianu.

La Fundación Municipal de Cultura, Educación y Universidá Popular del conceyu xixonés sicasí refugó’l permisu por considerala una actividá política, que por tanto «nun encaxa bien» cola filosofía d’eventu.

Para la Xunta pola Defensa de la Llingua Asturiana «ye intolerable que dende una institución pública como la Fundación Municipal de Cultura censúrese y vétese a asociaciones, reflexando prexuicios y sesgos políticos represores».

This work is licensed under a Creative Commons Attribution 4.0 International License.