Esti fin de selmana se cellebra’l nuevu festival

Tsunami Xixón empecipia triando fuerte, al llograr un importante impactu socioeconómicu pa la ciudá, con más d’un 60 per cientu del públicu llegando dende fora d’Asturies, y un 80 per cientu dende fora de Xixón.

La programación oficial va estremase en dos díes y trés llocalizaciones. El vienres 28 va ser aniciáu l’eventu con una sesión vermú gratuita al mediudía na plaza del Ayutamientu, na que’l públicu va poder esfrutar de les actuaciones de Joey Cape, cantante de Lagwagon, True Mountains y Dani Llama. Poco más tarde, nel skatepark de Cimavilla, van tener llugar dos actuaciones gratuites más: The Blackjaw y Misiva. Dempués, el restu de la programación va ser dientro de Llaboral Ciudá de la Cultura, onde van asitiase dos escenarios: el principal llamáu Escenariu Estrella Galicia 0,0, y el llamáu Escenariu Jägermusic.

Por ellos van pasar artistes de fama internacional como The Offspring, única fecha en tola península ibérica mientres l’añu 2017, los suecos Graveyard, o los italianos Talco; bandes de relevancia a nivel estatal como los navarros Berri Txarrak, amás de grupos asturianos como Desakato.

This work is licensed under a Creative Commons Attribution 4.0 International License.