Los menores ñacíos n’Asturies pente xineru de 2009 y xunu de 2011 tan ensin vacunar de tétanos, difteria y tosferina

Los problemes de desabastecimientu de la vacuna pal tétanos, difteria y tosferina, carecíos a nivel mundial, torgaron que los rapacinos ñacíos neses feches recibieren nel so tiempu les dosis de refuerzu correspondientes de les vacunes, que se tienen que poner alrodiu los seies años, polo que tan desprotexíos ante estes tres malures, seique punxeren les dosis correspondientes a  los dos y a los once meses.
La importancia de completar esti ciclu de vacunes espéyase nes estadístiques méliques: el 78% de les presones que contraxeron una d’estes enfermedaes na cabera década nun taba vacunáu o nun completare –como ye’l casu d’estos neños- el so ciclu de vacunes.

El suministru de vacunes ta anguañu normalizáu y cuéntase coles dosis precises, polo que’l Sespa ya ta unviando  cartes a les families, que tendrán de plazu pa llevar a la reciella vacunase  dica’l mes d’avientu.

Redaición InfoAsturies

This work is licensed under a Creative Commons Attribution 4.0 International License.