Comunicamos a los nuesos llectores que l’artículu entituláu “Vinu Español”, espublizáu el 8  de Xunu pasa a entitúlase “Brindis Foriatos”, por ser l’anterior entítulu un incentivu pa los anuncios de Viagra

Informamos que de magar güei quien quiera aportar al conteníu anantes recoyíu nel artículu “Vinu Español”, escritu por David Castañón na estaya d’opinión del nuesu diariu, alcontrarálu disponible baxo’l nome “Brindis Foriatos”.

El motivu d’esti cambiu ye la descomanada cantidá d’anuncios en forma d’spam que se recibien nos comentarios del nomáu artículu: más de doscientos mensaxes diarios de propaganda de medicamentos escontra la impotencia masculina a baxu preciu. Denguna otra noticia recibe estos spams.

Ignoramos el motivu pol qu’esti artículu en concretu atrae esta triba de publicidá, pero una vegada comprebao que quitando les pallabres “vinu” y “español” del entítulu, l’spam dexa d’apaecer, vémonos forciaos a camudar l’entítulu, lo que ponemos en conocimientu de los nuesos llectores.

Redaición InfoAsturies

This work is licensed under a Creative Commons Attribution 4.0 International License.