Amás aumenta la xornada a otres cinco educadores

Col fin de reforciar les siete escueles infantiles municipales nel viniente cursu, el Ayuntamientu d’Uviéu crea unes 19 places nueves, a les que hai que sumar una vacante por excedencia. Asina venti nuevos emplegaos públicos van entrar a trabayar en réxime de media xornada a les guarderíes Dolores Medio, María Balbín, Montenuño, Rubín, La Corredoria y La Florida. Por motivos de matrícula, la de Cualloto va ser la única que la so plantiya llaboral nun va aumentar.

La iniciativa inscribise na propuesta del Gobiernu asturianu d’ampliar les hores del personal docente de los centros pa neños d’hasta trés años, que l’Ayuntamientu decidió utilizar al máximu. De fechu tamién va ser ampliáu’l contratu de cinco educadores, que van pasar de xornada parcial a completa.

This work is licensed under a Creative Commons Attribution 4.0 International License.