El “Principado” decide esaniciar un de los sistemes más tradicionales de protección frente a los llobos: los mastines

Los ganaderos yá amosaron la so esmolición pola nueva normativa que nun va dexar tener a mastines nos montes col ganáu paprevenir l’ataque de los llobos, un sistema que ponía d’alcuerdu a ecoloxistes y ganaderos na llucha contra los ataques y que dexa minimizalos de manera eficiente

Mientres los ganaderos piden  flesibilidá al “Principado” na so normativa pa poder siguir, dicen, viviendo del campu, los ecoloxistes aportunen en que la convivencia del llobu cola ganadería ye posible, siempres que los ganaderos nun tengan de cargar col costu económicu de los ataques y se faiga un manexu afayadizu de los rebaños, con xixilancia permanente (llendáu intensivu) y empresllamientu  nuecherniegu, preferiblemente al par de les árees habitaes, allugamientu de barreres eficientes para torgar l’accesu de los predadores al ganáu y cuntando, por supuestu, col sofitu de los mastines.

Sicasí, el Principáu” ta más na llínea de el cazadores y prefieren siguir matando llobos de la que quiten a los ganaderos unu de los sos meyores aliaos.

Redaición InfoAsturies

This work is licensed under a Creative Commons Attribution 4.0 International License.