La Guardia Civil alcuentra sospechosu l’arriendu con opción a compra d’un llocal n’Uviéu

Los informes de la Unidá Central Operativa (UCO) de la Guardia Civil sobro les supuestes irregularidaes na xestión de les sovenciones a la formación que recibieron UXT d’Asturies y IFES, fundación del sindicatu, indiquen una supuesta capitalización y aumentu patrimonial del sindicatu coles ayudes públiques destinaes a formar a los paraos.

Les investigaciones señalen qu’esa yera la intención atapecida tres el cambiu en 2011 del llocal nel que IFES impartía los sos cursos n’Uviéu, al traviés del arriendu con opción de compra d’un llocal de 1.400 m2 na cai Fonte de la Plata.

La Guardia Civil tamién reflexa que Localmur, sociedá instrumental d’UXT, contrató la reforma del llocal por 343.875,43 euros y arrendó ente 2011 y 2012 los ordenadores a Formación 2020 por 58.475,72 euros.

This work is licensed under a Creative Commons Attribution 4.0 International License.