Dende la C.N.T., sindicatu cabezaleru na denuncia contra la Pastelería Suiza de Xixón por esplotación llaboral y acosu sesual, consideren qu’esta decisión fraya la capacidá de llucha contra los abusos y sienta un peligrosu precedente de censura sindical

El xulgáu d’instrucción número de 4 de Xixón dictaminó, como midida cautelar y dica que se resuelva’l fondu l’asuntu, que s’esborrien toles publicaciones de les redes sociales de la C.N.T. nes que se llame al boicó a la Pastelería La Suiza y nes que s’acuse a la mesma d’acosu ya esclavismu.

El sindicatu anunció que la denuncia por llevantos que ta siendo tramitada pol xulgáu nun va detener la campaña cola que reclamen responsabilidaes a La Suiza polo asocedío mientres años cola so emplegada, anque si van modificar la manera en que faigan llegar al públicu les sos comunicaciones.

Nos 4 meses que lleva la campaña, el sindicatu careció, detenciones improcedentes, multes y denuncies, siendo acosaos personalmente dellos miembros del sindicatu nel so llabor por persones de la redolada del empresariu de la pastelería, pero eso tampoco fixo qu’abandonen el pidimientu de boicó “Lo que nos faltaba por ver ye qu’un sindicatu nun pueda llamar a un boicó! Nunca foi fácil el sindicalismu, sobremanera el de movilización y combate. Esta ye una más de les ocasiones nes qu’a los sindicatos dánse-yos reveses por defender a los que nun tienen otra protección qu’ellos mesmos, ye dicir que’l sindicatu. Asumimos la situación y vamos bregar con ella.”

Redaición InfoAsturies

This work is licensed under a Creative Commons Attribution 4.0 International License.