El que foi fasta agora direutor de la BGV dexa la formación después de 30 años y cuelga la gaita por motivos presonales, ensin tener más qu’agradecimientos pa con tol alrodiu de la mesma.
-A nos aportaron noticies de que dimites de la Banda Gaites, ¿Qu’hai de cierto nello?
Pa evitar malos entendíos, ya que dalgunes vegaes me cuesta espresame: Nun dimito, namás dexo pasu!. Dexo de tocar definitivamente y lo que más me duel; dexo de ser direutor y componente de la Banda Gaites Villaviciosa. Por problemes varios que nada tienen que ver col furrulamientu internu de la banda pero que faen perdifícil la mio llabor al frente de la mesma, los mesmos que me fexeren dexar les clases qu’impartía dende´l añu 1999 na Escuela de Música Tradicional. Agora veome na obligación de guardar la montera y colgar la gaita!. Nun merez la pena falar d´ello, pero ye qu’al gaiteru jodiose-y la payuela.
Creo que ye´l momentu de dexar pasu a xente con más talentu, con más ganes y con muncha más valía que yo. Siempre dixe que nun necesitaba colar pola puerta grande, pero tampocu quiero salir pola puerta d´atrás. Asina lo faigo, marchando nel intre afayaizu pa poder volver siempre que quiera y pueda.
-Dexes quien te garre’l relevu?
Si, el direutor de la Banda pasa a ser Dani Álvarez, de Corquiéu, un músicazu que ya lleva tiempu colaborando con nos, deseyo-yos lo meyor, a elli y a Simón San José , cola allegría de que los que queden tienen agora una nueva etapa enllena de nuevos oxetivos.
Colo con pena, pero cola allegría y cola satisfaición de saber que fice tou lo que podía pa que la Banda fuese lo qu’agora ye; una gran familia.
Nun pueo sinón dar les gracies a los compañeros de la BGV. A los que tais, a los que tuvieron y a los que tarán pa que yo pueda sentila tocar. La mio felicidá será completa cada vegada que los sienta.
¿Dalguna mención especial?
Munches. Namás puedo dar gracies a los compañeros del Folkomillas, colos qu’establecí un llazu qu’agora mesmu ye irrompible. Los hermanos de la Banda de Gaitas Castro Bergidum
Gracies a Naheba y tolos músicos que ficieron posible “PUEYES”, el mio más sinceru reconocimientu al mio fiel escuderu José Luis Llera, Noelia Suarez y a Simón San José por creer en mí ya la mio familia por tar siempre ahí.
Dando les gracies al gran Román ya tola familia Cuadra Sánchez, a David, Dario y René Suarez pola so entrega. Cola admiración a Llera, un paisanu que se viste polos pies y al talentu de Dani Valdés y Edu LLosa.
Gracies a Merche, Casi, Sergito, Jesús, Lidia, Mariali y Pablo por tar siempre ahí, pero sobre tou cuando los momentos nun yeren buenos. Milenta gracies y milenta perdones polos mios errores.
Gracies, milenta gracies por tou.
Gracies Siempre a les mios neñes, Nora y Elena.
This work is licensed under a Creative Commons Attribution 4.0 International License.
