El pilotu británicu queda tan solo a 7 puntos del lliderazgo nel mundial, con una victoria que nun foi fácil resistiendo la presión del alemán de Ferrari que taba xusto detrás

Completen el podiu Vettel (Ferrari) y Ricciardo (Red Bull). Tanto’l’australianu como Kimi Raikkonen adelantaron a Bottas, demostrando lo que sufrieron los de Mercedes n’esta carrera.

Carlos Sainz sigue faciendolo lo meyor posible con un coche que nun-y da pa los resultaos que-y gustaría. Nesta carrera algama la décima posicion y con ello un puntu pa Toro Rosso. El madrilanu sigue dandolo tou y demostrando que con un coche meyor otru gallu cantaría, esperamos que-y llegue prontu la oportunidá de demostralo.

El pilotu asturianu nun tuvo suerte tampoco equí, sumando otru abandonu. Salía dende la séptima posición y bastante contentu col trabayu del fin de selmana, pero en cuanto entamo la carrera la poca potencia del so motor fizo-y dir perdiendo posiciones. Cayó al puestu 14 tras un pit-stop perllargu y ya taba visiblemente enfadáu col so equipu – como demostró falando pola radio “apaga la radio pal restu la carrera” – cuando una perdá de potencia fizo que tuviera qu’abandonar definitivamente. Les esperances puestes na meyora del McLaren demientres avanzaba la temporada van esfumándose. Cuando-y preguntaron a Alonso alrodiu la so continuación nel equipu dixo que nun se sabía y que “ya veremos nes próximes selmanes” polo que a lo meyor podremos ver a Fernando n’otru equipu l’año que vien o incluso retirandose de la Fórmula 1 pa dedicase al campeonatu del mundiu de resistencia.

Choques ente los dos Force India

Nun ye la primer vez que cuntamos lo mesmo, les batalles en pista ente los compañeros de Force India ya son habituales. Los bonos resultaos del equipu esti añu vense tapecíos poles lluches que últimamente tamos viendo ente Ocon y Pérez. Finalmente namás Ocon terminó la carrera teniendo Pérez qu’abandonar. Depués de la carrera Esteban Ocon acusó al mexicanu de ‘querer matarlo’ y pola so parte Force India anunció que nos próximos GPs va dar ordes d’equipu. Namás esperamos que’l equipu sepa frenar la batalla y esta nun se recrudezca perxudicando asina los puntos del equipu nel mundial.

Verstappen, abandonu en “casa”

El pilotu tuvo qu’abandonar por rotura, ante la decepción de la afición, ente la qu’había más de 30.000 holandeses. Más suerte tuvo el so compañeru que pudo aprovechar un erru de Raikkonen p’algamar un puestu nel podiu.

La selmana que vien más Fórmula 1 y más motor nel GP d’Italia (3 de setiembre). Depués del descansu pol parón de branu ya tamos de vuelta y con muncha fuercia. Recuerda seguinos na nuesa cuenta de twitter @F1Nast pa tar al tantu de toes les noticies.