El Parllamentu aragonés va aldericar una llei para actualizar los Derechos Hestóricos

El Gobiernu d’Aragón va pidir al d’España l’anulación de los Decretos de Nueva Planta del primer rei de la Casa de Borbón, dictaos en 1707, colos qu’apelando al derechu de conquista por mor de la Guerra de Sucesión, Felipe V abolía los fueros y llibertaes del Reinu d’Aragón.

La viniente seronda va tramitase nes Cortes aragoneses una Llei d’Actualización de los Derechos Hestóricos, por iniciativa de la Chunta Aragonesista (CHA), sociu de coalición del PSOE nel gobiernu autonómicu.

Nun ye nuevu esti plantgeamientu na política aragonesa. El mesmu Estatutu d’Autonomía d’Aragón yá recoyía, xunto cola definición de “nacionalidá hestórica”, que “l’aceptación del réxime d’autonomía (…) nun implica l’arrenunciu del pueblu aragonés a los derechos que como tal le pudiéren corresponder en virtú de la so hestoria”.

Ente otros oxetivos se definen “el máximu nivel d’autogobiernu”, un réxime financieru propiu cola configuración d’una Facienda Foral, y la recuperación de tol padrimoniu cultural y hestóricu depositáu n’instituciones ayenes a la sociedá aragonesa.

This work is licensed under a Creative Commons Attribution 4.0 International License.