N’ochobre va ser presentada la programación de la so primer edición d’iviernu

El director del eventu, Marino González, nunes declaraciones recoyíes pol diariu El Comercio, manifestó que la edición d’iviernu de Metrópoli va caltener la identidá del festival pero cola novedá de que les actividaes van realizase per primer vegada fora de la cortil ferial Luis Adaro, que neses feches ta ocupada pol salón navidiegu infantil Mercaplana.

No que se refier a la programación, informa que va durar ente 15 o 20 díes del caberu mes del añu. La edición va incluyir cuatro o cinco conciertos en dalgún llugar de la ciudá del mesmu nivel y calidá de los que se contraten nel branu. Amás d’estos conciertos multitudinarios, tamién van ser entamaos recitales más modestos en chigres de la ciudá xunto con talleres ya esposiciones.

This work is licensed under a Creative Commons Attribution 4.0 International License.