Con motivu de la esposición “La Ruta de les estrelles. El Camín de Santiago na Edá Media”

El palaciu de Valdecarzana y el Muséu d’Avilés van ser l’escenariu de les xornaes, qu’inclúin la esposición “La Ruta de les estrelles. El Camín de Santiago na Edá Media” y delles conferencies los díes xueves y vienres d’esta selmana.

Les xornaes son entamaes pola conceyalía de Cultura d’Avilés cola collaboración de la Universidá d’Uviéu, col fin d’afondar na investigación hestórica del nuesu pasáu al traviés del Camín de Santiago como homenaxe a la figura de Juan Ignacio Ruiz de la Peña, medievalista que dedicó gran parte de la so obra al estudiu de la hestoria d’Avilés y que finó l’añu pasáu.

Na llista de ponentes figuren destacaos medievalistes como’l coordinador de les xornaes, Miguel Calleja Puerta, miembru del departamentu d’Hestoria de la Universidá d’Uviéu, o María Josefa Sanz Fuentes, cronista d’Avilés.

This work is licensed under a Creative Commons Attribution 4.0 International License.