La sala de conciertos lleva más de seis meses presllada por mandatu municipal, ensin que se dieren los datos de les nueves midíes acústiques 

El pasáu 24 de marzu, la sala de conciertos Franel Rock, allugada nel númberu 19 del Postigu Baxu, n’Uviéu, viose obligada a suspender la so actividá por mandatu municipal, tres les denuncies presentaes polos vecinos de los inmuebles collendantes por escarecer de llicencia como sala de conciertos y por devasar les llendes de ruíu dexaos na normativa, según midíes realizaes el seis de marzu.

El propietariu solicitó nueves midíes, argumentando erros nes primeres y meses dempués, el Conceyu foi a realizar una nueva midida pa comprobar los índices de ruíu.  N’esperando pacientemente les resultancies de la prueba, que foi realizada’l  19 de setiembre, ayeri recibieron una nueva notificación del Conceyu d’Uviéu, na que se pasa la pelota al “Principado”, dando a entender que los téunicos municipales nun tienen competencies o conocencies pa resolver el casu por si solos.

Mentantu, el propietariu valora les perdes de ganancies producíes pol zarru mientres esti periodu ente 50,000 y 80,000€  … hasta’l momentu.

Redaición InfoAsturies

This work is licensed under a Creative Commons Attribution 4.0 International License.