La perdida del sector agrariu n’Asturies implica non solo un desastre económicu, sinón sobre tou humanu y cultural
Los caberos trenta años foron lletales pa l’agricultura d’Asturies. Dende la entrada na Xunión Europea, nel añu 86, perdiéronse 26.170 puestos de trabayu nesi seutor, lo que representa alrodiu’l 73% y la tendencia non solo nun s’apara, sinón que s’acelera: de los 15.060 agricultores que quedaben nel 2.009 namás 1.1663 continuen trabayando’l campu nel 87.
L’envieyecimientu la población afeuta mui especialmente a les fasteres rurales, d’aú la mocedá se vió forciada a colar p’aceder a la so formación y a les que munchos nun tornen ante la falta d’opciones llaborales. La mayoría de los trabayaores agrarios superen los 51 años, ya’l relevu xeneracional vese difícil. La concentración de la población nes ciudaes dexa vacíu la mayor parte del territoriu astur, llevando a los sos moraores a un abandonu progresivu, con perda de servicios ya infracadarmes, nun círculu viciosu que pinta permal.
Tanto l’executivu como la población asturiana paecen resignaos a ver como se desanicia esti sector, desaprofitando una de les fontes de riqueza más abondoses nel nuesu país, ensin ufiertar más solución que’l repartu esporádicu de sofitos puntuales nin apurrir otres opciones llaborales pa les fasteres rurales, daqué que cuadra perfechamente cola política de desfarrape del texíu económicu, social y cultural asturianu.
Llucía F. Marqués
This work is licensed under a Creative Commons Attribution 4.0 International License.
