Metanes del alderique llobos si/llobos non que dixebra Asturies, la Lliga Celta estudia’l papel d’esti animal na tradición asturiana
Dientro’l Programa Añal d’Actividaes de la Lliga Celta d’Asturies, el prósimu díi 13 d’ochobre cellebraráse una conferencia baxo l’entítulu “El Llobu na tradición asturiana”, con Alberto Álvarez Peña de ponente. L’actu, qu’aniciara a les ocho la tardi nel Atenéu Obreru de Xixón, tará presentáu por Fernán Morán, presidente de la Lliga Celta d’Asturies.
Nesta conferencia, el maxistral Albertu Álvarez Peña, escritor, etnógrafu y dibuxante ente otres facetes, va averanos al venceyu qu’esiste entre esti magníficu animal y la cultura asturiana al traviés de la tradición oral, les lliendes y los cuentos populares.
L’ eventu sedrá públicu y de baldre fasta completar aforu.
Redaición InfoAsturies
This work is licensed under a Creative Commons Attribution 4.0 International License.
