UGT nun e-mail a los sos afiliaos reconoció pero xustificó la so convivencia

El Colectivu de Trabayadores d’Emulsa (CTE), colectivu asambleariu de recién creación al marxe del sindicalismu tradicional, amosó la so esmolición por un corréu e-mail que la sección sindical d’UGT unvió’l pasáu 4 d’ochobre a los sos afiliaos, nel cual señalábense graves irregularidaes nos cursos de formación de la empresa, llegando a acusar a la dirección de la empresa de mentir a la Fundación Tripartita, de falsiar les hores llectives de los cursos impartiendo namás 6,5 hores en cursos de 24 y de nun cumplir col requisitu obligatoriu d’establecer unos criterios de selección tresparentes, escoyendo arbitrariamente a dellos candidatos.

Nel mesmu corréu tamién ye denunciáu’l nepotismu de la empresa, que ye acusada de xenerar y otorgar arbitrariamente nueves categoríes de personal pal viniente conveniu.

La sección sindical d’UXT reconocía’l so silenciu cómpliz mientres años, pero xustificabase afirmando qu’esti silenciu yera por mor del so interés por evitar les consecuencies negatives qu’un escándalu podría significar pa los trabayadores d’esta empresa pública.

EL CTE critica qu’UGT nun seya capaz de realizar abiertamente estes crítiques énte la opinión pública, y esixe la depuración de responsabilidaes.

This work is licensed under a Creative Commons Attribution 4.0 International License.