Bill Clinton caltuvo enantes aconceyamientos con dirixentes irlandeses
Esti aconceyamientu produzse dempués de diverses conversaciones privaes que Clinton cellebró hai díes con dirixentes de los principales partíos norirlandeses en Belfast, el Partíu Democráticu Unionista (DUP) y el Sinn Fein, col fin de guetar una solución a la crisis institucional que vive’l Norte d’Irlanda.
L’alcuentru entre May y Clinto foi desendolcau nel despachu oficial de la política británica en Downing Street y nun se sopelexaron los detalles del so conteníu a los medios de comunicación.
Na so dómina como presidente estadounidense -dende’l 20 de xineru de 1993 hasta’l 20 de xineru de 2001-, Clinton xugó un papel clave nel procesu de paz del Norte d’Irlanda, especialmente no referente al Alcuerdu de Vienres Santu o Alcuerdu de Belfast, de 1998, que zarró un ciclu hestóricu de violencia armada, favoreciendo la constitución d’un Gobiernu de poder compartíu en Stormont.
Pero anguaño les instituciones autonómiques en Stormont -sede del parllamentu del Norte d’Irlanda- siguen suspendíes dende’l colapsu gubernamental del pasáu xineru. Tres la dimisión del yá fináu Martin McGuinness, foron convocaes nueves ellecciones pero los principales partíos políticos mientres los nueves meses vinientes nun foron capaces de formar un nuevu Gobiernu.
This work is licensed under a Creative Commons Attribution 4.0 International License.
