La cabera carrera, cellebrada esti fin de selmana en Bragança, dexa al corredor asturianu’l primeru na clasificación xeneral del Campeonatu Ibéricu de Q2 y primeru nel Troféu Nordeste portugués

Seique na cabera carrera, d’hora y media de duración, algamó namás el novenu puestu, eso foi abondo pa garantiza-y el primer llugar nel Campeonatu Ibéricu.

A la so vuelta a Asturies el correor declaraba “Venimos mui contentos colos resultaos dempués d’un añu de muncho trabayu y esfuerzu pero al final tuvo recompensa’l trabayu”.

La cabera preba del Campeonatu –una preba de resistencia-  cellebraráse esti sábadu nel circuitu de Llanera.

Con namás 22 años esti belmontín, residente en L’Agüerina, ya ta no más alto del palmarés asturianu ya ibéricu nesta modalidá de Quad a 400 cc. Esti añu dio’l saltu y entamó a competir tamién en Q1, de 450cc, modalidá na que ya algamó’l segundu puestu del Campeonatu d’Asturies.

Redaición InfoAsturies

This work is licensed under a Creative Commons Attribution 4.0 International License.