Talasoponiente ye un exemplu más de la política d’economía turística que se ta desenvolviendo nes últimes décades y que tien de resultes la creación de puestos de trabayu de baxu perfil y alta precariedá

L’emplegáu, perteneciente a la C.S.I, reclama a la empresa la reconocencia de la so categoría llaboral en función del trabayu que realiza y el respetu de los horarios de trabayu nel centru, énte lo que la directiva de Talasoponiente retruca con un despidu disciplinariu.

Pal sindicatu, el fechu de que’l trabayador fora unu de el promotores de la convocatoria d’elecciones sindicales dientro del propiu centru de trabayu foi un factor más que llevó al so despidu.

El centru, que costó alredor de 15 millones de capital públicu y que ta allugáu en suelu públicu pertenez dende’l 2016  al grupu d’inversión, Santagadea, siendo xestionáu pola cadena esportiva Bnfit, que’l so modelu de xestión ye bien conocíu.

Esti miércoles 13 d’Avientu, a les 12:30 h, ta convocada xuna concentración de sofitu al  trabayador na entrada principal de Talaso, Sablera de Poniente (Xixón).

Llucía F. Marqués

This work is licensed under a Creative Commons Attribution 4.0 International License.