Denguna de les formaciones que tan nel alderique sobre’l presupuestu reclama la Oficialidá como condición pa la so aprobación

Lola Suárez, responsable de la estaya de Llingua de la organización política Andecha Astur, acusa a los partíos que tienen na so man negociar a favor de la Oficialidá de marafundiar les oportunidaes reales pa consiguila y utilizar la llingua asturiana na más p’algamar votos y salir na semeya.

L’aprebación de los presupuestos pal añu qu’entra ta n’estáu de prórrroga. A toos interesa algamar un alcuerdu y los que pueden actuar de “llave”dando o ñegando’l so votu, tan n’inmeyorable situación pa negociar. Poro, dende PODEMOS ponen como condición pa retirar la so enmienda a la totalidá sobre los presupuestos el facer qu’el ciclu de cero a tres años seya de baldre.

Sicasí, dalu partíu punxo enriba la mesa un ultimátum pola Oficialidá, nin siquiera aquellos que se presenten a si mesmos comu los defensores de la Llingua.

Según A. A, “La situación actual evidencia daqué que toos sabíemos: la Oficialidá nun ye, pa dengún d’estos partíos, una prioridá”

Redaición InfoAsturies

This work is licensed under a Creative Commons Attribution 4.0 International License.