Pesi a les declaraciones de bones intenciones, tolos partíos de la Xunta Xeneral que se suponen favoratibles a la oficialidá –y obviamente los que se saben a la escontra- escaecen l’asturiano pa felicitar les fiestes

el Secretariu Xeneral de la FSA-PSOE, Adrián Barbón, tan comprometíu colos drechos de los asturfalantes,  escaezse d’utilizar l’asturianu na so felicitación. “Si es bueno vivir, todavía es mejor soñar, y lo mejor de todo, despertar”. Con esa profética cita saluden dende la FSA al añu que munchos consideren el definitivu p’algamar la naguada reconocencia oficial de la lingua asturiana. Entre llinies podría lleese un “seguí-y suañando, que ya esconsoñareis”.

Lo  mesmo podemos decir de la felicitación de PODEMOS Asturies, “Por un 2018 que no deje a nadie atrás”. Polo pronto ya mos dexaron atrás a tolos asturianos y a la nuesa llingua.

La felicitación de FORO tamién fae’l so propiu xuegu de pallabres –n’español, claro- anque faciendo un guiñu a la sidre : “¿Derecho a decidir? Decidido, con sidra asturiana se brinda mejor”.

Les úniques pallabres n’asturiano topámosles nes dos caberes frases de la carta escrita pol coordinador xeneral de Izquierda Xunida d’Asturies, Ramón Argüelles, pa felicitar a los sos llectores en facebook. Al final d’una llarga nota escrita n’español, Argüelles remata con un “Feliz añu y prestosu 2.018, un abrazu”.

Menos da una piedra, dicen.

Llucía F.Marqués

This work is licensed under a Creative Commons Attribution 4.0 International License.