Los miembros de la Banda Gaites d’Avilés lleven 5 años espulsaos de la cabalgata d’Avilés por querer vistir el traxe’l país, mientres la edil de festexos considera les gaites “inapropiada” nel díe de reis

No que nun se puede definir más qu’un nueu casu d’asturfobia y censura, la cabalgata d’Avilés ye de les poques d’Asturies que nun cuenta con gaites. Dende que va cinco años los gaiteros refugaron vistise de pastores, pidiendo llevar el traxe’l país que, amás, ye l’uniforme de la banda, Festexos nun tornó llamalos. Sicasí, otres bandes de música desfilen colos sos uniformes.

Entrugada pola cuestión, la conceyala de Festexos, Ana Hevia, nun escondió la so postura, que nun tien que ver colos traxes de pastores, pero si muncho cola asturfobia. “La cabalgata de Reis nun ye una temática apropiada pa les gaites” declaró, remembrando la polémica colo adecuao o non de la carroza LGTB de Valleca. Si ye apropiao, por contra, pa ella, la música de los tambores de la Semana Santa Española, la africana y la de la Banda de Música de Avilés.

Nuria Prendes

This work is licensed under a Creative Commons Attribution 4.0 International License.