La protesta social ye nuevamente tornada en “delitu” y la movilización del pueblu contra los abusos torgada con represión y menacies

Esta tardi, a les siete y media delantre la Ilesia de Llugones, tendrá llugar una concentración de sofitu al acusáu d’estroces en mobiliariu urbanu pola presunta rotura de dos parquímetros nel marcu les movilizaciones del 2.014 contra la zona azul en Llugones y la Pola, nel conceyu Sieru. La fiscalía pidi pa elli la pena d’ocho meses de cárcele más pagu de daños o 5.800 € de conderga. Los vecinos pidin l’absolución de quien nun fizo más que defender los drechos comunes ante l’abusu que supón la privatización d’un espaciu públicu.

N’aquellos meses de protesta foron munchos los vecinos que recibieron presiones y menacies de sanción por 3.000 € pa qu’abandonaren les movilizaciones. El métodu de represión por menacia y la sanción exemplar repítese sistemáticamente pa frenar cualisquier intentu de la ciudadanía de reclamar llexitimamente los sos drechos, criminalizando asina l’autodefensa.

Nuria Prendes

This work is licensed under a Creative Commons Attribution 4.0 International License.