El sábadu 27 de Xineru l’Asociación Musico Cultural Bocanegra cellebra’l so décimu aniversariu con un doble conciertu nel que acturarán The Excitements y Still Rivers

Diez años d’actividá cultural y sobremanera de conciertos, munchos conciertos, resumen el camín andáu pola asociación piloñesa, asina qu’otru conciertu na so sede social ye la idega más evidente para celebrar el so décimu aniversariu.

Al mesmu van poder allegar socios y non socios, los primeres con descuentu na entrada, a partir de les 21:30, los segundos, dende les 22:30.
Nesta ocasión traen dos interesantes grupos de Bilbao y Barcelona, Still River y The Excitements.

Still River son conocíos pol so “auténticu” estilu americanu, que nel so segundu discu, Wood and Wire, trabayen tantu en formatu eléctricu como n’acústicu, onde introducen l’usu de banyu, mandolina, contrabaxu y guitarres acústiques.
The Excitements prometen poner a la sala de pies col so esplosivu direutu y la so seción rítmica, que traen hasta Piloña dempués d’una xira que los llevó por más de 15 países presentando’l so trabayu.

Nuria Prendes

This work is licensed under a Creative Commons Attribution 4.0 International License.