El profesoráu del IES Roces de Xixón movilízase para reivindicar la vuelta al horariu lleutivu anterior a los retayos

Pesi a les promeses del Conseyeru d’Educación, nun hai nin una sola midía para finar col periodu d’esceición col que, col argumentu de remontar la crisis, se fuercia al profesoráu asturianu a trabayar bastantes más de les 18 hores en secundaria y les 23 en primaria perriba del periodu lleutivu. Nel restu d’alministraciones yá s’entamó a dar marcha tras nos retayos, polo que la situación de los profesores asturianos nun ye solo una cuestión d’incumplimientu de lo apautao, sinón de discriminación comparativa.

Lo que reivindiquen los profesores ye la vuelta al másimu de 18/23 hores, yá perriba del horariu lleutivu d’otres zones del estáu, que foren impuestes pol gobiernu del PP y aplicaes n’Asturies pol gobiernu del PSOE. El profesoráu asturianu ye’l que más hores non lleutives trabaya de tol estáu y la proliferación de medies xornaes ente’l profesoráu ye, según pallabres de los profesores, escandalosa.

Enagora, solo el profesores del IES Roces tán desendolcando movilizaciones, como la del recréu d’ayeri, y tornará faelo’l 19 d’esti mes, víespora de la concentración convocada n’Uviéu’l díe 20 a les 6 de la tardi pa reivindicar 18 hores lleutives en secundaria y 23 en primaria que redunden na creación d’emplegu y na meyora de l’atención al alumnáu.

Redaición InfoAsturies

This work is licensed under a Creative Commons Attribution 4.0 International License.