Un hosteleru de Xixón recibe una multa de mil euros por permitir que los gaiteros toquen nel so establecimientu

Dientro’l mesmu Barriu La Sidra, famosu pol ambiente de les sos sidreríes, davezu animaes con actuaciones de música’l país, el propietariu de la Sidrería la Pevida bien de ser multáu por “consentir” que suene la asturianada y la gaita nel so chigre. Tornamos a los tiempos del “se prohíbe cantar”.

F.G.Ll, veceru del chigre facía’l viniente Analís “La llingua d’Asturies nun pue ser oficial. La música del país ta proscrita. Lo malo de la noticia, nun ye la multa en sigo mesma, ye la falta de concenxa de vivir nuna autonomía de tercera, ensin drechos nin llibertaes. Asturies ye una “colonia bananera”. Efeutivamente, nun dexa de ser un nuéu casu d’Asturfobia istitucional, un castigu “exemplar” y un sistema de meter miéu a los hosteleros.

Remembremos qu’esti nun ye’l primer casu, la Sidrería El Llavaeru recibió una sanción por motivos asemeyaos mientres la celebración del so caberu aniversariu y los participantes del Sidracrucis foron “apercibios” por estorbar al orde públicu por pasiar pol parque Begoña coles gaites al mediu díe.

Llucía F. Marqués

This work is licensed under a Creative Commons Attribution 4.0 International License.