Actu d’homenax n’Uviéu a Joan Roca i Fontané, cabezaleru d’ún del Celler de Can Roca, meyor restorán del mundiu nos años 2013 y 2015 (y terceru nesti 2017) y con tres estrelles Michelín.

Charra – alderique alrodiu d’un restorán onde’l trabayu n’equipu, la humildá, el paisax, los sos golores, la so esencia … son los pegollos d’una cocina al rodiu d’unos valores ya una tierra.

Tres la charra-alderique, cena-homenax con cocina a cuatro manes, metá de platos fechos por Celler de Can Roca, metá de platos fecho pol Conceyu Fomento de la Cocina Asturiana. Conceyu qu’axunta once de los meyores restoranes d’Asturies, dalgún d’ellos con Estrella Michelín ya otros ensin ella, pero que podría tenela perfeutamente.

Platos qu’axunten Asturies y Catalunya, Ostra ya Xarda; Virréi ya Oca, Frutos Colloraos de la Viesca ya Dulce de Lleche d’Oveya. Asturies y Catalunya. Cantábricu ya Mediterráneo. Dos cocines qu’atañen y medren xuntes, compatibles y afayadices, que nun fai falta enfrentar nin muncho menos faer de menos.

¿Pa beber? ¿Sidra d’Asturies? ¿Cava catalán? ¿Vinu asturianu? ¿Vinu catalán? ¿Amiestu dambos? Non, Vinu de La Rioja y de Ribera de Duero. Debe ser pol mor xeográficu de tar en mediu …