Recoyío nel Face de Fernán Morán

Soi asturianu.
Falo asturianu.
Ḷḷéolo, escríbolo, entiéndolo y quiero siguir faciéndolo: ye’l mio drechu costitucional.
¿Qué quieren entós que faiga con tou esto?
¿Que lo escaeza?
¿Que faiga como si nunca esistiera?
¿Que lo guarde nun armariu, déxolo p’andar pol ḷḷar y nun yos dea enforma la llata?
¿Qué entienda qu’utilizar l’asturianu ye imponé-ylo a los que nun quieren nin oyelo?
¿Que m’avergoñe entós d’eḷḷo y yá nun lo use nin na escuela, nin nel institutu, nin na universidá?
¿Nin na tienda, el supermercáu, la cafetería, el restorán o la sidrería?
¿Nin tampoco na oficina, el conseyu, la fábrica, el taller o’l bufete?
¿Nin de xacíu na notaría, la consulta del médicu, la comunidá de vecinos, el plenu municipal, la comisión parlamentaria, l’asesoría fiscal o la comisaría?
¿Y bien de menos nel teatru, la radio, la televisión, la ópera, la cátedra, los discursos d’agradecimientu o la ilesia?
¿Por non falar del ximnasiu, el partidín de los llunes, l’asociación de vecinos, la fundación cultural o’l club de los vienres?
¿De verdá quieren que dexe l’asturianu fora de toos esos sitios?
Pos va ser que non

This work is licensed under a Creative Commons Attribution 4.0 International License.