Más d’un millar de presones manifestáronse ayer tardi peles cais de Xixón pa denunciar la progresiva precarización y privatización de de la sanidá asturiana
La manifestación, sofitada por SUATEA, CGT, CNT y STOP llistes d’espera salió pasaes les 19:30 dende la Plaza l’Humedad, percorriendo les casi de la ciudá baxo’l vientu y la lluvia, col llema premonitoriu de “Tanta salú vas a tener como puedas pagar”.
Contra los retayos y les llistes d’espera, en defensa d’una sanidá pública de calidá n’Asturies, pol fin de les condiciones precaries de trabayu y d’atención al paciente, pola optimización de los recursos con apertura de quirófanos, consultes y prebes n’horarios de tardi y sobre tou por una plantiya que cubra les necesidaes reales de los asturianos nun sistema sanitariu en nidiu desmantelamientu, un ensame de revindicaciones qu’afeuten al conxuntu de la población asturiana, más cuando l’envieyecimientu la población y les enfermedaes derivaes de la contaminación faen especialmente necesaria una atención mélica eficiente.
Son munches les organizaciones – CSI, Stop Llistes d’Espera, Andecha Astur, CGT…- que ven nesti progresivu desaniciu de la sanidá pública un enfotu privatizador nidiu. Les etenres -n’ocasiones mortales- llistes d’espera, la falta de diagnósticos claros, la escasez de medio y personal y la continua deriva de pacientes y servicios a la atención privada enconten esta afirmación, que también s’espeya nel modelu de xestión de la sanidá pública, ca vegada más asemeyáu al d’una empresa privada.
Llucía F. Marqués
This work is licensed under a Creative Commons Attribution 4.0 International License.
