Dos autobuses enllenos de pelegrinos percorrieron 10 sidreríes, 3 llagares y la superespicha de la Primer Sidre l’Añu rindiendo homenaxe a la sidra

Va catorce años que la Fundación Asturies XXI en coordinación cola revista LA SIDRA entamó a cellebrar esta peculiar procesión que lleva cada Vienres Santu a cientos de fieles de sidrería en sidrería y de llagar en llagar festexando la nueva temporada sidrera pente música’l país y ganes de xaréu.

“Sidracrucis ye la procesión más sentía y más sidrera de la Selmana Santa, la que más esfuerzu requier, na que los participantes nun aparen nel so enfotu por demostrar honor y respetu a la sidre asturiano” dicen los organizadores.

Porque esta ye una preba de fe sidrera que nun ta al algame de toos: hai que ser valiente pa enfrentar diez chigres, una espicha y tres llagares del tirón, seique l’abondancia de pinchos ufiertada en cada parada foi un bon encontu pa llévalo bien.

Llucía F. Marqués

This work is licensed under a Creative Commons Attribution 4.0 International License.