La Plataforma escontra la Contaminación de Xixón convida a la ciudadanía a collaborar n’estudiu científicu de les borrafes sólides depositaes na zona

L’estudiu consisitirá nun analís de los depósitos de polvu nel esterior de les viviendes (ventanes, antoxanes, terraces…) y que nun provenga direutamente d’una fábrica.
L’investigador Mario Lebrato (Project Director en Christian-Albrechts-Universität, Kiel, Alemaña) ye l’espertu que va llevar a cabu l’analís, col que se pretende documentar la presencia de partícules minerales nel aire.
La zona de recoyida inclúi tol conceyu de Xixón, Carreño y contorna, la so procedencia tien de ser aéria y de cualesquier collor, siendo preferible axuntar semeyes.
Tratase de poder documentar que minerales hai nel aire, al traviés de la recoyida d’unos pocos gramos de materia sedimentable, yá seya d’un depósitu estraordinariu o del avezáu (nesti casu, una amuesa al mes) indicando llugar, díi y hora de recoyida, y contautu de quién lo recoyó.
Les amueses van unviase a la Plataforma escontra la contaminación de Xixón, enantes del mes de xunetu, pa ser analizaes n’agostu y setiembre.

Llucía F. M.

This work is licensed under a Creative Commons Attribution 4.0 International License.