N’Asturies, les muyeres regalen más tres meses de salariu al añu. Por ser muyer

El salariu mediu por hora de les trabayaores ye un 26’3% menor qu’el de los homes, pero l’estudiu, fechu por CCOO, revela que amás los homes trabayen  más hores, lo que fae medrar la fienda salarial fasta un 38%.

Una muyer tien de trabayar 96 díes más al añu pa igualar el salariu d’un home nel mesmu puestu trabayando les mesmes hores. Sicasí, esta cifra nun ye completa, ya que bona parte de les retribuciones qu’estos reciben camúflense nel pagu de dellos pluses y gratificaciones esternes al salariu propiamente dichu.

Los datos son especialmente doliosos nel casu de les pensiones, onde les muyeres asturianes xubilaes cobren una media del 71% menos que los homes.

Sicasí, la Ventanina contra la Fienda Salarial, creada polos sindicatos, la patronal ya’l “Principado” nun rexistró más que siete denuncies de magar la so creación va mediu añu. La direutora de la Ispeción Llaboral almite que, teniendo en cuenta lo xeneralizao de la discriminacion na situación actual siete denuncies son perpoques, pero xustificó la so escasez pola llercia que les emplegaes tienen a perder el so puestu de trabayu si denuncien.

Redaición InfoAsturies

This work is licensed under a Creative Commons Attribution 4.0 International License.