Nun podrán colgar pancartes qu’informen del manifestamientu convocáu pal vienres 11 de mayu n’Uviéu nin que cinquen a la negociación del conveniu coleutivu

La Plataforma de Trabayaores de los Cientros Sociales de Díi recibieron ayeri una notificación de la Conseyería de Servicios y Drechos Sociales na que se-yos deniega espresamente la colocación de pancartes nel esterior de los venticincu cientros sociales de presones mayores dependientes d’esta conseyería en rellación cola negociación del conveniu colleutivu. Los trabayaores tienen convocáu un manifestamientu’l vienres once pa denunciar la precariedá llaboral que carecen.

La desplicación  por parte del “Principado” pa censurar estes pancartes ye que alteraríen “de dalguna mena” el furrulamientu del cientru “al treslladar el conflictu al puestu de trabayu”. Los convocantes, pel so lláu, argumenta que’l conflictu yá esiste nel puestu de trabayu y que lo que la Conseyería tien miéu ye de que los familiares de los usuarios s’enteren del les condiciones llaborales que carecen “Unes pancartes nun alteren el furrulamientu, lo que si que lu alteren son los recortes, los despidos, les hores estres y la precariedá”.

Redaición InfoAsturies

This work is licensed under a Creative Commons Attribution 4.0 International License.