La participación duplicó les espeutatives de los organizaores de la marcha entamada añalmente por All Under One Banner (Toos baxo una mesma pancarta) y multiplicó por cuatro los de la cabera marcha per Glasgow

La marcha, una de les abondes actividaes cellebraes a lo llargo de toa Escocia pola organización All Under One Banner, salió del Parque Kelvingrove Park a les11:30 y trescurrió a ritmu de gaites y tambores fasta finar en Glasgow Green.

All Under One Banner descríbese como una “organización pro independencia col finxu d’entamar marches a intervalos regulares fasta algamar la llibertá d’Escocia” y diz que ta abierta a “Cualisquiera que deseye vivir nuna nación independiente”. El so coordinaor Neil Mackay declaró la so confianza en na cellebración sero d’un nueu referéndum, anantes del 2021. “El propósitu ye facer medrar el movimientu, reafitalu y atraer a bordo a más xente, dando la meyor representación posible de la nuesa reivindicación”

Al manifestamientu acudieron abondos escoceses afincaos n’Inglaterra, asina como numberoses delegaciones d’estremaos países de tol mundiu, pente elles la d’Asturies.

Llucía F. Marqués

This work is licensed under a Creative Commons Attribution 4.0 International License.