Acordies les cifres apurríes güei pola Sociedá Asturiana d’Estudios Económicos ya Industriales (Sadei) el númberu de muertes nel primer trimestre del 2.018 duplicó llargamente al de ñacimientos

N’Asturies rexistráronse pente xineru y marzu d’esti añu 1.487 ñacimientos, mientres se contabilizaben  3.934 defunciones, dexando un saldu de decrecimientu vexetativu de 2.447 habitantes. L’envieyecimientu de la población desplica’l xorrecimientu de la tasa de muertes y les ruines condiciones económiques nes que vive la mocedá, con una edá de salida del llar que s’avera a los 34 años, la falta d’estabilidá ya’l difícil acesu a la vivienda son les principales causes d’esti descensu de la natalidá.

A esta perda de población por causes naturales tienen de sumase los centenares d’asturianos que demientres esti mesmu periodu de tiempu decidieron colar del país a la gueta de meyores opciones llaborales ya un bon nivel de vida. En conxuntu, l’amenorgamientu de la población ya’l so envieyecimientu ta sobropasando les piores espeutatives, que cifraben en diez años el periodu nel que la población asturiana baxaría del millón d’habitatntes.

Nuria Prendes

This work is licensed under a Creative Commons Attribution 4.0 International License.