De siguío’l tornéu tuvo llugar l’alcuentru de la Lliga Femenina ente’l Hostelcur Xixón frente al C.P. Vilasana, nel que l’equipu xixonés tornó proclamase campeón de Lliga tres una amplia victoria (6-1) que-yos da’l títulu per tercer vegada na so hestoria

La pasada fin de selmana tuvo llugar una nueva edición del Tornéu Rufino Ballesteros que llegó yá a la so ventiava primer edición nel pabellón de Mata-Jove.

Nel tornéu, col que tradicionalmente se preslla  la temporada d’H.oquei escolar, participaron ocho equipos de les categoríes prebenxamines y benxamines que tán realizando l’actividá de iniciación al h.oquei sobro patinos nos sos respeutivos colexos -Atalía, Santa Olaya, Laviada, Montevil y l’equipu redrueyu del Hostelcur- entrenaos pol  equipu recientemente ganador de la Copa d’Europa d’H.oquei y de la Lliga Femenina, l’Hostelcur.

Los equipos ganadores del tornéu foron un de los dos equipos del C.P. Santa Olaya y un de los grupos del C.P. Atalía, que se presentaba con 4 equipos, lo qu’augura un futuru rellumante pal h.oquei de bas na Fastera Oeste de Xixón.

Nel Dos Santos

This work is licensed under a Creative Commons Attribution 4.0 International License.