Tres d’un llargu periodu ensin organizar una charra, CSI-Internacionalistes vuelve a convidar a una charra-alderique col envís d’averar estremaes realidaes y lluches sociales y sindicales n’otros requexos del planeta

Nesta ocasión cuntarán cola presencia de Kader, militante de la izquierda marroquí afincáu en Xixón, que va facer un repasu de los cuasi dos años de revuelta popular nel Rif en demanda de coses tan esenciales como sanidá y educación dignes y llibertá d’expresión, y que’l réximen marroquí tá reprimiendo con violencia, siendo yá dellos cientos les persones que tán en prisión por participar nes protestes.

La charra tendrá llugar güei, miércoles 30, de magar les siete la tardi na Casa Sindical de Xixón y la entrada sedrá de baldre.

Redaición InfoAsturies