El plazu pa presentar trabayos pal concursu de curtios rodaos nel míticu barriu xixonés ye dica’l siete de setiembre

Un añu más, el Conceyu de la Mocedá de Xixón en comuña col Xixon International Film Festival (Official Site) llanza’l concursu de curtios ”Rodando en…”, col que quieren visibilizar y potenciar el trabayu de los y les artistes más moces.

Nesta ocasión, amás, xúnese a la aniciativa la Asociación de Vecinos Gigia Cimavilla, ya que nesta tercer edición del Concursu Curtios “Rodando en…” l’escenariu propuestu pal rodaxe de los curtios presentaos ye precisamente esti barriu marineru.

Los premios sedrán dos: el Premiu del Xuráu, otorgáu por profesionales del seutor, ya’l Premiu del Públicu, de votación popular.
La temática de los curtios presentaos sedrá llibre, siempres que’l alrodiu protagonista de les estremaes trames seya’l barriu de Cimavilla y en dalguna de les escenes apaezan les  Escaleres contra la Violencia.

 Los curtios presentaránse a concursu nel marcu de la Nueche Blanca de Xixón y los dos ganaores proyeutarán la so obra na prósima edición del FICX.

Redaición InfoAsturies

This work is licensed under a Creative Commons Attribution 4.0 International License.