Pop Piquiñín ye’l grupu que pon la música pa la sesta edición de la folixa más familiar de los asturianos
Reciella, families pol asturianu, ya ta trabayando na organicación del VI Díe de la Reciella, una folixa qu’aconceya añalmente a cientos de rapacinos y families asturfalantes y que se cellebrará’l siete d’ochobre nel Muséu del Pueblu d’Asturies, en Xixón.
Como ye vezu, entainen colos preparativos y dende dellos meses anantes ya tienen fechu’l so cartelu ya’l so canciu de promoción, que l’añu pasáu protagonizó Skama la Rede, col so tema “Entaina” y esti añu ta fechu pol grupu xixonés de música pa la reciella, Pop Piquiñín.
Nel cantar, de lletra cenciella y ritmu pegañosu, anímase a la reciella a curiar y falar la llingua llariega, como mediu fundamental pa qu’espoxigue.
Seique la versión final del vidiu, que fadrá Pablo A. Quiroga nun ta entá disponible, puede vese un adelantu na so versión karaoke en A la Gueta los Suaños, asina qu’esti puede ser el canciu’l branu pa munches families. Dir deprendiéndolu.
¡Espoxiga! (VI Día de la Reciella)
POP PIQUIÑÍN INTERPRETA ¡ESPOXIGA! PAL VI DÍA DE LA RECIELLAEl domingu 7 d’ochobre va celebrase una edición nueva, la sesta, del Día de la Reciella, una xornada familiar d'actividaes d'ociu n'asturianu. Nesta ocasión el lema del eventu ye ‘Espoxiga’, nome tamién del cantar que promociona esti día de diversión n’asturianu en familia, qu'interpreta Pop Piquiñín, (Petit Pop cantando n'asturianu) y que t'ufrimos como adelantu na so versión karaoke.
Publiée par A la Gueta los Suaños sur mardi 12 juin 2018
This work is licensed under a Creative Commons Attribution 4.0 International License.
