Nuevu GP, nueves esperances. En Maranello y en Woking intenten esguilar un pasu salvando les distancies

Austria ye un hestóricu gran premiu que pasó por dellos circuitos.

Aeródromu de Zeltweg: el primera gp d’Austria celebróse ende nel añu 64. Foi ganáu por Lorenzo Bandini, siendo esta la única victoria del espiloto italianu de Ferrari. 

Osterreichring: esti circuitu foi la segunda sede del gran premiu d’Austria, siendo inauguráu por formula unu nel 1970 y abandonáu pola mesma nel 1995. Foi sustituyíu por una reforma del mesmu llamada A1Ring y renomada RedBullRing en siendo mercada pola escudería austríaca perteneciente a la marca de bébora tailandés.  

Nesti circuitu podemos remembrar apasionantes carreres como la del 2002, col polémicu team radio “let Michael pass for the championship”, na que l’equipu Ferrari obligó al so segundu pilotu, Rubens Barrichello, a dexar pasar al númberu un del equipu, Michael Schumacher.  Dende Maranello, queríen da-y al alemán más opciones nel campionatu, seique Schumacher yá tenía enforma llideralgu esa temporada, y esa nun yera una prueba decisiva pa l’aportar del campionatu.

Anguañu esperamos ver muncha acción. Dende la FIA decidieron asitiar una nueva zona de DRS de 700 metros para favorecer los adelantamientos. Poro espérase que la vuelta d’anguañu supere’l récord del circuitu que marco Valterri Bottas l’añu pasáu na Q3 col so mercedes marcando un 1:04.4. Prevése que la vuelta tará ente 1:01.5 y el 0:59.5 min por vuelta.

Nesti gran premiu confiase nel bon furrulamientu nes meyores aerodinámiques de McLaren. Tamién vamos ver meyores del motor Renault.

Ensin dulda vamos ver muncha rivalidá ente Hamilton y Vettel, una y bones l’alemán y l’inglés xueguen el llideralgu del campionatu. Osténtalu Lewis por namás14 puntos de diferencia. Tamién s’espera a unos Red Bull que van intentar averase a les dos escuderíes que tán per delantre, tirando non solo d’aerodinámica, sinón tamién de la calidá de los sos pilotos, yá que vienen demostrandonos que tienen una de les meyores pareyes de pilotos de la parrilla mientres tola temporada. Cotizando dos victories pa Daniel Ricciardo y trés podios pa la perlla de la casa Max Verstappen. Nun podemos agorar lo que va asoceder na zona media de la parrilla, yá que tuvo bien irregular tola temporada, y que Renault y McLaren traen munches meyores pa esti Gran Premiu.

Nel Dos Santos

This work is licensed under a Creative Commons Attribution 4.0 International License.