La vixésimosegunda edición del Festival Intercélticu d’Avilés va celebrase ente’l 22 y el 29 de xunetu y cuenta con superar los 20.000 participantes del añu pasáu

El XXII Festival Intercélticu d’Avilés y contorna cuntará cola participación de grupos de la mayoría les naciones celtes: habrá representantes de Bretaña, Asturies, Gales, Escocia, Irlanda y  Galicia, que dirán pasando pel escenariu principal, una carpa instalada na Pista de la Esposición de Les Meanes que va ser el cientru’l festival y peles les cais d’Avilés, Pravia y Corvera, que sedrán tamién puntos d’alcuentru y escenarios de dellos de los conciertos y actos.

Esti añu el Festival cunta con dalgunes novedaes, comu la llacuada estilu celta pa 75 persones, cola que s’abrirá el festival el  domingu 22 de xunetu y que finalmente se fadrá con gochu asturcelta, por tar el xabaril fuera de temporada. Otru cambeu sedrá la incorporación de conciertos tempraniegos, a les 14:oo, que vendrán a sumase a los de les nueches, nos que destaquen los asturianos Llan de Cubel, Dixebra y Spanta la Xente y los escoceses Dallahan. . Amás de los conciertos, dellos pasucais percorrerán la contorna, habrá esposiciones, cellebraránse tasties de sidre y cerveza artesano y a lo llargo de tola selmana cuntaráse con una fastera camentada especialmente pa la reciella, amás del ya tradicional Mercáu Celta, que completará la ufierta d’un programa nel que la música de los países celtes ye la principal protagonista.