Una seña más del declive de la sanidá pública asturiana, xunto cola desatención pediátrica en dellos conceyos, la falta de sustitución de facultativos nes vacaciones, la escasez de personal y material n’urxencies, les llistes d’espera y un llargu etcétera

La nueva noticia sobre la sanidad pública asturiana va na mesma llinia que toles anteriores. Más de 27.000 pacientes pendientes de facer una preba diagnóstica, de los que pocos más de 9.000 tienen cita programada -con un plazu d’espera que puede algamar l’añu, pero polo menos programada-.

La espublización de estos datos, fasta agora desconocios, provien de la desixencia de la Comisión Parlamentaria d’Investigación de les llistes d’espera.

Según esti informe, los plazos más llargos danse nel Hospital de Cangas del Narcea y en el HUCA, en Uviéu, onde los plazos d’espera pueden llegar a multiplicar por 14 los tiempos d’otros hospitales más “rápidos”, comu l’ Álvarez-Buylla, en Mieres, o el Xove, en Xixón, ún de los más áxiles d’Asturies.

L’Hospital de Xove, concertáu, ye’l que tien los tiempos más baxos en cuasi tolos procesos: 26 díes pa un TAC, frente a los 6 meses en Cangas, un exemplu que dexa nidio la diferencia. Nun ye casual que temos falando d’un cientru de xestión privada, daqué que sofita la teoría ca vegada más estendida de la intencionalidá del desaniciu de la sanidá pública asturiana.

Nuria Prendes

This work is licensed under a Creative Commons Attribution 4.0 International License.