Nel comunicáu qu’ayeri mesmo sacó la formación sobro’l tema de los llobos camuda la so primer postura, na que collaboraba col boicot a los ganaeros y queseros, reconociendo la “necesidá d’afitar un marcu de convivencia equilibráu y duraderu pente l’actividá ganaera y la preservación del llobu”

Tres de la polémica suscitao pola apaición nes redes sociales de Podemos d’un cartelu pidiendo’l boicot de los quesos asturianos, culpabilizando a los queseros y ganaeros de la muerte de los llobos, y depués de que delles asociaciones de ganaeros amosaren la so indignación énte’l mesmu, la formación vien d’espublizar un comunicáu nel que matiza la so posición y recueye la emportancia del factor humanu na fastera rural ya’l pesu de la ganadería como mediu de vida, reconociendo les dificultaes peles que ta pasando esta actividá, pente les que s’alcuentra los daños de llobos.

Les midíes propuestes nesti nueu comunicáu aseméyense a les ya mencionaes por Andecha Astur, coincidiendo dambes formaciones na necesidá d’anovar, sofitando les aiciones en criterios científicos y teniendo en cuenta a tolos seutores implicaos a la hora de tomar les midíes que posibiliten la convivencia pente llobos ya humanos.

Redaición InfoAsturies

This work is licensed under a Creative Commons Attribution 4.0 International License.